CINE ENSINO

Na casa da cultura de Pontedeume estivemos a disfrutar do cine ensino; Carliños, O bosque animado foron dúas das pelis que vimos neste curso.

CERTAME DE POESÍA

O certame de poesía foi todo un éxito, participaron alumnos de todos os cursos con poemas feitos por eles ou co recitado doutros xa feitos, e nós tamén puxemos o noso gran. Ao final Ricardo foi un dos premiados e Alma a encargada de poñer o colofón a un certame cargado de emoción, ilusión e moito arte, facendo un recitado fantástico dun poema.

O TALLER DO CONTO (II PARTE)

Esta é a segunda parte do taller: a elaboración da presentación dos contos.Esta foi feita enteiramente por Luchy, coa finalidade de ensinarlla a todos os compañeiros do colexo á volta das vacacións de semana santa. Esperamos que pasedes un bo rato escoitando o conto.

View more presentations or Upload your own.

Este outro é o que fixo Iván, que é moi distinto ao de Luchy pero igual de entretido.Animámosvos a que o leades.



O terceiro é o de Fátima, que encerra unha boa ensinanza, e coma os dos seus compañeiros tamén é moi entretido.

View more presentations or Upload your own.

EUMEOLIMPIADAS

O pasado 3 de Marzo puidemos disfrutar dunha mañá de deporte no pabellón de Pontedeume, que, como podedes ver, estivo cargada de moitas actividades ben divertidas: lanzamento de balón, circuito de velocidade, xogos de equipo...e o colofón final: UNHA CLASE DE AERÓBIC.

¡Menuda mañá máis entretida!

O TALLER DO CONTO (PARTE I)

Esta actividade partiu da área de lingua e literatura galega, para traballar e aprender sobre un estilo de narrativa: o conto.

O primeriro que fixemos foi elaborar cada un, un conto que mantivera a estructura do conto tradicional.

Logo leémolos na clase aos demáis compañeiros, pero tan so foron elexidos catro para ler aos compañeiros de todo o colexo. O de Iván (O Robot), o de Lucía (A balea percorre o mar), o de Nacho (Gustavo e os charcos de coca-cola) e o de Fátima (O gatiño Rin).

Esta foi a primeira parte da actividade...¡Esperade a ver a continuación!

ENTROIDO 2009

Este ano elexiuse no colexo a temática das civilizacións, e a o terceiro ciclo tocounos a civilización exipcia. Pasámolo coma ananos tanto nos ensaios coma no día do desfile. Foi estupendo, e ata tiñamos a momia de "Tutankamonbaby".

Nin que dicir teñen as probas que nos foron poñendo pola semana: que si con escurridoiros nas cabezas, que si con pixamas...todo unha festa.